10 февралдан 20 мартгача Тошкент метросининг «Халқлар дўстлиги» бекатидаги «Tashkent city» мажмуасига олиб чиқувчи вестибюль ёпиқ бўлади. Бу вақтда муддатини ўтаб бўлган эскалатор янгисига алмаштирилади.
25 ноябрдан Тошкент метросининг «Ерусти ҳалқа йўли» йўналишидаги «Технопарк» ва «Яшнобод» бекатларининг иш вақти вақтинча соат 06:00 дан 22:00 гача қисқартирилади. «Тузел"-"Қурувчилар» бекатлари оралиғида эса поездлар ҳаракати маълум соатларда бир томонлама ташкил этилади.
Бундан 46 йил аввал Тошкент метроси 9 та бекат билан ишга тушган эди. Ҳозир станциялар сони 48 та. Улардан 13 тасининг номи 1991−2018 йиллар оралиғида ўзгартирилган. Баъзи бекатлар бу жараённи ҳатто бир неча бор бошдан ўтказган. «Газета.uz» шу мавзуда тест тайёрлади.
Вазирлар Маҳкамаси Тошкент метрополитенидан фойдаланишнинг янги қоидаларини тасдиқлади. Метрода электрон сигареталар, носвой чекиш, акробатика ҳамда спорт машқларини бажариш, пойабзалсиз ва кийимсиз юриш тақиқланади. Метрога велосипед ва самокатда кириш ҳам тақиқланди.
Тошкент метрополитени йўловчилар кўпайиб, вагонга ортиқча юклама тушаётгани сабаб кўп бузилиш бўлаётганини айтди. Бунда тўлиб келган вагонга чиқмай, кейингисини кутиш тавсия қилинди. Тиқилинчни камайтириш учун йил охиригача «Чилонзор» йўлига ҳам 5 вагонли поездларни синов учун қўйиш режа қилинмоқда.
Тошкент метрополитенининг «Юнусобод» ва «Туркистон» бекатлари 26 августдан бошлаб 4 ойга профилактик ишлар сабабли ёпилади. Бекатлар ўртасида бепул ҳаракатланадиган автобуслар қатнови амалга оширилади.
Ҳаво исиши сабабли ерусти темирйўлларининг рельс ва пўлат қисмларида ҳарорат юқорилаши мумкин. Бундай кунларда Тошкент метрополитенининг ерусти йўналишларида ҳаракат тезлиги пасайтирилади. Рельслар ҳарорати +60 даража бўлганда, тезлик 40 км/соатдан, +65 даражада 25 км/соатдан ошмайди.
Сингапурнинг STIE компанияси Тошкент метросида янги линия ва станциялар қуриш, инфратузилмани модернизация қилиш бўйича маслаҳатлар беради. Ўзбекистонда Wilmar International дистрибюторлик хабини очиши, PSB Academy таълим муассасаси қуриши, Enercon Asia эса қуёш панелларини ўрнатиши мумкин.
Тошкент метрополитени 2023 йилда яна 56 та вагон ёки 14 та таркибни қабул қилиши керак, деди «Трансмашхолдинг» (Россия) раҳбари пойтахтдаги «Иннопром» кўргазмасида. 2019−2021 йилларда 60 та вагон етказиб берилган.
Тошкент метроси ерусти Ҳалқа йўлининг бешта янги бекати (8−12) йўловчилар учун очилди. Станцияларнинг интерьер дизайни, тематик безакли «Паралимпия ҳаракати» станциясидан ташқари, бошқалар билан бир хил. Станциялар қандай кўринишга эгалиги — «Газета.uz» фоторепортажида.
18 февраль куни Тошкент метрополитенининг «Дўстлик-2» бекатидан то «Қўйлиқ» бекатигача бўлган қисми техник ишлар сабаб ишламайди. Ҳаракат 19 февралдан яна тикланади.
Тошкентда метро бекатлари яқинида жойлашган 31 та олий ўқув юртида дарсларнинг бошланиш вақти ўзгартирилди. Ушбу қарор метродаги тирбандликни камайтириш мақсадида қабул қилинди. ОТМлар рўйхати.
Транспорт вазирлиги тузган ишчи гуруҳ метронинг янги станциялари учун номларни кўриб чиқди. Тасдиқдан сўнг, улар овозга қўйилади. Нега «Чкалов» ўтмагани (ва «Авиасозлар» ўтгани), «Чоштепа» ва «Сергели» бўйича баҳслар ва «Паралимпия ҳаракати» номи қандай пайдо бўлгани ҳақида ҳикоя қиламиз.
Тошкент метрополитенининг ер усти ҳалқа линиясида поездлар соат 07:10 дан ҳаракатлана бошлаши ҳақида хабар берилганди. «Газета.uz»нинг аниқлик киритишича, бу тартиб фақат бир кун — 28 декабрь учун жорий этилган.
Пойтахтда 5 декабрь кунининг ўзида 620 минг йўловчи метродан фойдаланди (бу одатий кундан 105 минг (21%) нафарга кўп). Метрополитен ходимлари йўловчи кўплиги сабаб, фуқаролардан қоидаларга амал қилишни ва кассаларда навбат кутиб қолмаслик учун банк ёки транспорт карталардан фойдаланишни сўради.
Роппа-роса 45 йил аввал Тошкент метрополитени вестибюли шаҳарликлар учун илк бор очилганди. Юбилей муносабати билан «Газета.uz» тизимни ичидан кўрсатади: поездлар қаерга кетади, уларнинг қандай турлари мавжуд ва йўловчилар нима учун охирги поезд қачон кетганини билиши керак?
22 сентябрь куни «Тошкент метрополитени» тузилмаси ходими фуқарони ишга киритиб қўйиш учун ундан 1000 АҚШ доллари пора олаётганда ушланган. Ходим Жиноят кодексининг тегишли моддалари билан ўрнатилган тартибда қамоққа олинди.
Метронинг «Ерусти ҳалқа йўли» йўналишидаги 7-бекати йўл ўтказгич ўрнатилиши туфайли метро ҳаракати вақтинча тўхтатилди ва унинг ўрнига «Роҳат 5-метро бекати — Қўйлиқ 7-метро бекати» оралиғида вақтинча иккита автобус қатнайди.
Тошкент метросида эшиклари ёпилаётган вагон томон югуриб кетаётган фуқаро сирпаниб, поезд тагига тушиб кетди. Унга метрополитен ходимлари ва йўловчилар дарҳол ёрдам беришди, у жароҳат олмади.
Тошкент метросининг Мирзо Улуғбек станциясида эркак киши ўзини поезд остига ташлади. Натижада бир йўналишда ҳаракат тўхтаб қолди.
Қўшимча имкониятларга эга булиш учун сайтда рўйхатдан ўтинг